By: JoMaque | June 30, 2020

Iloilo — Gin-subject ni Anilao Mayor Lee Ann Debuque ang iya kaugalingon sa 14-day home quarantine.

Sa Facebook post sang alkalde, gin-ako niya nga nakakadto siya sa Iloilo St. Paul’s Hospital sang Hunyo 28.

Dugang niya nga base sa contact tracing, wala siya nalakip sa mga may exposure sa mga doktor nga nagpositibo sa COVID-19 ukon sa mga naka-direct contact sa mga doktor.

Sa pihak sini, ginpahayag ni Debuque nga luyag niya gihapon sundon ang insakto nga health protocol.

Ginpasalig niya man sa mga taga-Anilao nga magadapayon siya sa paghimo sang iya mga katungdanan bilang mayor bisan ano man ang matabo.

Nagpanawagan man siya sa iya mga kasimanwa nga nakakadto sa Iloilo St. Paul’s Hospital halin sang June 23 tubtob 28 nga magpakig-angut sa Rural Health Unit sang banwa. | via Aksyon Khenjo Terco

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply