By: JoMaque | June 30, 2020

ILOILO CITY – Bastante na ang tatlo (3) ka adlaw nga pag-lockdown sa St. Paul’s Hospital Iloilo kasunod nga nagpositibo sa COVID-19 ang walo (8) ka mga medical doctors.

Suno kay Iloilo City Mayor Jerry Treñas, nagakaigu ang tatlo ka adlaw para sa contact tracing sa mga nagka-contact sa mga nagpositibo nga walo ka doctors.

Sa subong, nagapadayon ang contact tracing kag madamo na sang natultolan nga nagka-contact sa mga pasyente. May mga ginkuhaan naman sang swab para ma-test, dugang pa sang alkalde.

Posible nga buksan sa Huwebes, Hulyo 2, ang ospital ukon maamat-amat nga pahalugan ang mga measures nga ginapatuman sa ospital.

Samtang ginapaidalom sa lockdown, ginadumilian ang pagguwa-sulod sa ospital.

Ang isa sa mga ginatan-aw nga ginhalinan sang virus suno sa alkalde amo ang pasyente nga gin-operahan sa ospital matapos na-aksidente sa salakyan. Positibo ang resulta sang rapid test sang pasyente, pero nagnegatibo sa RT-PCR test.| Via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply