By: JoMaque | July 1, 2020

ILOILO CITY – 25 na ka medical frontliners sa Western Visayas ang na-infect sang COVID-19 tubtob subong nga adlaw.

Suno kay Dr. Renilyn Reyes sang DOH 6, ang mga nagpositibo amo ang mga masunod:

Doctors – 13
Nurses – 7
Radiologic technologist – 1
Med tech – 1
Midwives – 3

Sa 25, 15 pa ang active cases nga ginabug-usan sang siyam (9) ka doktor, duha (2) ka nurse, isa (1) ka rad tech, isa (1) ka med tech kag tatlo (3) ka midwives.

Ginsulit ni Dr. Reyes ang pag-appreciate sa serbisyo sang mga medical health workers sa pihak sang risgu. Padayon suno sa iya ang pagsuporta sang DOH sa mga medical health workers.

Nagpangabay naman si Dr. Reyes nga likawan ang pag-discriminate kag pagpakahuya sa mga health workers bangud, ”ang ila serbisyo tama ka importante, sa pagserbe sa mga COVID-19 kag non-COVID 19 nga mga pasyente sa different hospitals and health facilities.”

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply