By: JoMaque | July 2, 2020

Antique– Wala sang travel history ang 53-anyos nga doctor sa Barbaza nga nagpositibo sa COVID-19 suno sa Department of Health6.

Suno kay Dr. Renilyn Reyes sang DOH6, wala pa nahibaluan kun ano ang rason sang infection sang doctor nga gin-classify si WV313.

Suno kay Antique Governor Rhodora Cadiao, Hunyo 21 sang ginhilanat ang doctor rason nag-qurantine sa Pedro L. Gindap Memorial Hospital kag nagpa-swab sang Hunyo 22.

Hunyo 30 sang naguwa ang resulta nga positibo siya sa COVID-19.

Admitted sa nasambit nga ospital si WV313.

Gin-lockdown naman ni Cadiao ang ospital kag ginpa-swab ang tanan nga 62 ka mga personnel kag walo ka mga pasyente.

May pito ka pasyente nga na-discharge na sugod sang Hunyo 22 kag gina-contact trace na sila.

Gina-quarantine man ang pamilya sang doctor nga nagpositibo.

Ginakuhaan pa sang pahayag sang Aksyon Radyo Iloilo ang Antique Provincial Health Office.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply