By: JoMaque | July 2, 2020

Iloilo (UPDATE) – Wala sang may ginlisensiyahan ang health worker sa Alimodian nga nagpauli sa ila balay bisan wala pa sang resulta ang iya RT PCR test suno sa Department of Health6.

Ang health worker ang lakip sa lima ka mga health workers sa Alimodian nga nagpositibo sa COVID-19 base sa laboratory results sang Hunyo 29.

Pito ka mga miembro sang iya pamilya ang nagpositibo man sa COVID-19.

Suno kay Dr. Jessie Glenn Alonsabe, regional epedimiologist sa DOH6, wala nagsunod sa protocol ang health worker bangud nagpauli siya.

Wala gin-identify ni Dr. Alonsabe ang patient number sang health worker nga nagpauli sa ila balay.

Una na gin-anunsyar sang DOH6 nga tag isa ka nurse kag medical technologist kag tatlo ka midwives ang nagpositibo nga mga health care workers sa Alimodian.

Paano na-infect?

Gina-isolate sa pasilidad sa Alimodian si WV175, ang Locally Stranded Individual nga nagpositibo sa COVID-19.

Ang lima ka mga health care workers nga nagpositibo ang naga-monitor sa amo nga pasilidad.

Isa sa nga health care workers ang may contact kay WV175 suno kay Dr. Alonsabe.

Posible na-infect naman ang apat ka iban pa nga mga health care workers sang gin-uba na sang natungdan nga health care worker ang iya Personal Protective Equipment.

May gin-issue nga guidelines ang DOH sa pag-manage sang mga indibidwal sa Temporary Treatment and Monitoring Facility ukon quarantine facility lakip man sa nga protocol para sa mga health care workers.

‘May local transmission na’

Ginkumpirmar ni Dr. Alonsabe nga may local transmission na sa Alimodian.

Makabig may local transmission kun ang ginhalinan sang kagaw ukon infection yara lang sa locality.

48 ka mga indibidwal ang gin-swab sa Alimodian angut sa pagpositibo sang mga health workers.

34 sa amo nga numero ang mga personnel sang Rural Health Unit samtang 14 ang mga miembro sang pamilya sang mga nagpositibo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply