Lockdown sa Iloilo St. Paul’s Hospital, magapabilin samtang ginahulat ang resulta sang RT-PCR test sang ila mga personnel — DOH6

By: JoMaque | July 2, 2020

Iloilo City (UPDATE) — Ipabilin ang lockdown sa Iloilo St. Paul’s Hospital samtang wala pa sang resulta sang RT PCR test sang ila mga personnel.

Ini ang gin-anunsyar ni Dr. Renilyn Reyes sang Department of Health 6 base man sa impormasyon halin kay Dr. Ella Mae Divinagracia, infectious disease specialist sa nasambit nga ospital.

Una na ginpahayag ni Mayor Jerry Treñas nga ipatuman ang lockdown sa ospital sa sulod sang tatlo ka adlaw pagkatapos nagpositibo sa COVID-19 sang walo ka mga doctors kag isa ka nurse.

Hunyo 29 sang gin-lockdown ang St. Paul’s Hospital.

1,031 ka mga personnel kag pasyente sa sulod sang ospital ang na-swab na as of July 1.

Mahimo ma-discharge ang mga pasyente apang indi kaguwa bangud sang lockdown.

Libre ang pagkaun para sa mga pasyente kag bantay nga manuguwa na kuntani apang may bayad naman sang P500 ang ila padayon nga pagtenir sa ospital.