Masobra 1,000 indibidwal sa Iloilo St. Paul’s Hospital, gin-swab pagkatapos nagpositibo sa COVID-19 ang 8 doctors, 1 nurse sa amo nga ospital

By: JoMaque | July 2, 2020

Iloilo City (UPDATE) — Masobra sa isa ka libo ka mga indibidwal ang gin-swab sa St. Paul’s Hospital pagkatapos nagpositibo sa COVID-19 ang walo ka mga doctors kag isa ka nurse sa amo nga ospital.

Suno kay Dr. Renilyn Reyes sang Department of Health 6, naglab-ot sa 1,031 ang gin-swab sa nasambit nga ospital(as of today, July 1).

Ang nga gin-swab ang mga personnel kag pasyente sa St. Paul’s Hospital.

Wala pa nalakip sa amo nga numero ang personnel sang St. Paul’s Hospital nga wala nalakip sa gin-lockdown.

Gin-swab naman sila sa Jubilee Hall sa syudad.

Nagapadayon pa ang imbestigasyon agud matul-id ang source of infection.

Lakip naman sa ginakonsiderar amo ang mga pasyente nga nagpakonsulta ukon gin-admit sa ospital. | via Aksyon Aljohn Torreta