By: JoMaque | July 3, 2020

Iloilo — 100 porsiento na nga na-set up subong nga adlaw ang mga checkpoints sang kapulisan sa pito ka borders sang probinsiya sang Iloilo.

Suno kay Police Master Sergeant Francisco Lindero, spokesman sang Iloilo Police Provincial Office (IPPO), gilayon nga nakigsapol si IPPO Director PCol Paul Kenneth Lucas kay Iloilo Governor Arthur Defensor Jr sang liwat ginpatuman ang border restrictions sa probinsiya bisan nga napaidalum ini sa Modified General Community Quarantine.

Ginsapol man gilayon ni Lucas ang mga chiefs of police kag field commanders nga magadumala sang mga checkpoints sa borders partikular sa San Joaquin, Calinog, Passi City, San Rafael, Dumangas, Estancia kag Balasan.

Tubtob lang subong nga adlaw ang plaso nga ginhatag para sa mga taga-Iloilo kag Guimaras nga yara sa iban nga probinsiya sa Region 6 agud nga makapauli.

Sugod buwas, kabigon na sila nga Locally Stranded Individuals kag pangitaan na sang mga papeles pareho sang medical certificate kag travel authority sa ila pagtabok sa border. | via Aksyon Hotline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply