By: JoMaque | July 5, 2020

Nagkapan malapit sa Buenavista Wharf sa Guimaras ang pump boat nga may karga nga sinako sang bubud, bugas, kag kalamay mga las 12:20 subong nga hapon.

Suno kay PCPT Jeffrey Ferrer, hepe sang Buenavista Police Station, halin sa Parola Wharf sa Iloilo City ang pump boat nga may karga nga 27 ka sako sang bubod, 25 ka sako sang bugas, kag 11 ka sako sang kalamay.

Nakaluwas ang kapitan kag duha ka crew sang pump boat.

Ginabanta sa 150 meters ang kalayuon sang pump boat sa Buenavista Wharf antes ini magdungka sang nagkapan.

Gina-imbestigaran pa sang Coast Guard, suno kay Ferrer, ang rason sang pagkapan sang sakayan. Posible suno sa iya nga may deperensya ang pump boat bangud indi man malain ang tyempo sang natabo ang insidente. | via Aksyon Khenjo Terco

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply