By: Aine Grace Bravo

MANILA, July 6, 2020 –Masobra na 46,000 ang COVID-19 cases sa Pilipinas kasunod sang report sang Department of Health ang dugang nga 2,099 ka kaso subong nga adlaw.

Suno sa DOH, sa 2,099 ka kaso – 1,258 ang fresh cases kag 841 ang late cases. Bangud sini, nagsaka sa 46,333 ang kabug-usan nga kaso sa pungsod.

Naglab-ut naman sa 12,185 ang kabug-usan nga recoveries sang nadugang ang 243 ka pasyente nga nag-ayo sa COVID-19 samtang nagsaka nga 1,303 ang nagkalamatay sang nadugang ang anum (6) ka napatay.

Sa 46,333 cases, 32,845 ang active cases, dugang pa sang DOH.

Padayon ang panawagan sang ahensiya sa publiko nga magsunod sa ginapatuman nga minimum health standards pareho sang pagsuksok sang face, physical distancing kag masami hugasan ang kamot agud malikawan ang infection. | Via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.