Western Visayas, wala sang na-record nga bag-o nga kaso sang COVID-19

By: Aine Grace Bravo/Ariel Solacito

ILOILO CITY, July 6, 2020 — Nagapabilin sa 389 ang kaso sang coronavirus disease (COVID-19) sa Western Visayas tubtob subong nga adlaw.

Ini bangud wala sang bag-o nga kaso sang COVID-19, base sa case bulletin sang Department of Health (DOH) 6 nga ginpaguwa.

Suno sa DOH 6, sa 675 ka laboratory results nga ginpaguwa subong nga adlaw, wala sang may nag-positibo sa COVID-19.

Ginkumpirmar naman sang DOH 6 ang duha ka bag-o nga recoveries nga halin sa Negros Occidental. Lunsay LSIs ang bag-o nga recoveries.

Sa 389 ka kaso sa rehiyon 6 – 226 ang active cases, 152 ang recoveries kag 11 ang nagkalamatay. | via DOH 6