By: JoMaque | July 7, 2020

Iloilo City – May low level community transmission na sang COVID-19 sa Western Visayas suno sa Department of Health 6.

Sa press briefer sang DOH6 subong nga hapon, Hulyo 6, ginpahayag ni DOH6 Regional Epedimiolgist Dr. Jessie Glenn Alonsabe nga indi lang sa syudad sang Iloilo kundi sa bug-os nga rehiyon na-obserbahan ang low level community transmission.

Ini bangud sang mga na-record nga confirmed cases sang COVID-19 lakip sa Locally Stranded Individuals nga nagpositibo.

Gin-athag naman ni Dr. Alonsabe nga kun Ipaanggid sa Cebu City nga tuman gid ka damo sang nagpositibo sa kada lugar, ‘isolated’ nga magagmay lang nga mga clusters sang mga kaso ang na-record sa Western Visayas.

Base sa guidelines sang World Health Organization, makabig ang community transmission kun may madamo nga mga outbreaks sang local transmission nga gin-define paagi sa;

1.) Madamo nga numero sang mga kaso nga indi ma-angut sa transmission chains;
2.) Madamo nga mga kaso halin sa sentinel lab surveillance, kag/ukon
3.) Madamo nga mga clusters sang mga kaso nga wala sang koneksyon.

Una ginpahayag ni Dr. Ella Mae Divinagracia nga posible may community transmission rason natapikan sang kagaw ang ila personnel sa St. Paul’s Hospital.

Sa pinaka-ulihi nga data, 11 na ka mga health workers sa St. Paul’s Hospital ang nagpositibo nga ginabug-usan sang siyam (9) ka mga doctors kag tag-isa ka nurse kag housekeeper.

CONTEXT:

13 confirmed cases sang COVID-19 ang na-record sa Alimodian sang Hunyo 29. Lima (5) sa ila ang health care workers, samtang ang pito (7) ang miembro sang pamilya sang isa nga nagpositibo.

May exposure naman sa confirmed case sa Iloilo City ang isa pa nga nagpositibo sa Alimodian.

Indi pa man ma-establisar sang DOH6 kun ano ang source of infection sang doctor sa Barbaza, Antique nga nagpositibo sa COVID-19.

Amo man ang sitwasyon kanday WV276, 14-anyos nga lalaki nga taga-Dumangas, Iloilo kag WV336, 52-anyos nga lalaki nga taga-Sta. Barbara, Iloilo. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply