By: JoMaque | July 8, 2020

ILOILO CITY – Ginkumpirmar ni DOH 6 Regional Epidemiologist Dr. Jessie Glen Alonsabe nga may kaso sang ‘community transmission’ sang COVID-19 sa Western Visayas.

Ginpaathag niya nga sa community transmission, may kumpirmado nga kaso sa isa ka lugar pero indi ma-establisar kun paano na-infect sang COVID-19 ang nagpositibo.

Ginhalimbawa niya ang kaso sa Igbaras, Sta. Barbara kag Dumangas. Bisan may ginahimo nga contact tracing, pero indi gihapon matultulan ang ginhalinan sang virus.

Nagahaum-haum lang suno sa iya kun paano na-infect ang mga pasyente pero indi gid ma-establish kun diin naghalin ang COVID-19.

Sa local transmission naman, matultulan ang naglaton sang COVID-19 sa isa ka pasyente paagi sa ginahimo nga contact tracing.

Ginhalimbawa niya ang natabu sa Alimodian kag Lambunao.

Nagalapta na gid man suno kay Alonsabe ang transmission sa komunidad, pero indi explosive pareho sa iban nga rehiyon.

Ginpahayag niya nga manubo ang kaso sang COVID-19 sa Western Visayas kada semana kun i-factor out ang mga returning overseas Filipinos kag locally stranded individuals (LSIs).| Via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply