By: JoMaque | July 8, 2020

Iloilo City — Ginabanta sa P2,752,500 ang damage sa paglupok sa power barge sang AC Energy Corp. sa Bo. Obrero Lapuz bangud sang naglapta nga bunker fuel kag naguba nga mga kagamitan.

Base ini sa pag-imbestigar sang Iloilo City Bureau of Fire Protection suno kay City Fire Marshal Chief Inspector Melanie Habawel.

Ginpahayag ni Habawel nga wala pa sila sang konkreto nga imbestigasyon sa explosion nga natabo, apang ginkalipay niya naman nga adlaw-adlaw may bag-o nga mga impormasyon sila nga makuha.

Nakit-an man nga sa air vent nga side sang barge ang point of origin sang paglupok suno sa kay Habawel kag may anum ka mga buho nga nadiskubrehan sa barge tuga sang explosion.

Una na ginbuyagyag ni Habawel nga posible may hot work activity nga ginhimo sa barge nga gintunaan sang paglupok.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply