By: JoMaque | July 9, 2020

Iloilo City–Magatukod sang technical working group nga magatutok sa compensation sa mga pamilya nga naapektuhan sang oil spill halin sa naglupok nga power barge sang AC Energy Corp., sa Bo. Obrero, Lapuz sang Hulyo 3.

Suno kay Councilor Ely Estante, ang grupo pagabug-usan sang tiglawas halin sa City Agriculture’s Office, CENRO, CDRRMO, CSWDO, PCG kag BFAR.

Magahimo sang formula nga sundon sa paghatag sang compensation.

Ginbalikan man ni Estante ang paghatag sang compensation sa mga naapektuhan sang oil spill sang nalunod ang MT Solar 1 sang 2006 sa diin lakip sa mga nahatagan ang mga fisherfolks kag fish vendors.

Lakip sa ginkunsiderar sa pag-compute sadto suno sa iya ang ginagamit nga fishing gear pareho sang punot kag sakayan pati na ang maximum nga income kada adlaw kag gin-multiply sa kadamuon sang adlaw nga nadulaan sila sang palangabuhian.

Sa mga vendors naman, gin-compute kun pila ang ila kita kada adlaw kag gin-multiply man sa numero sang adlaw nga wala sila sang income bangud sang oil spill.

Ang gingamit nga formula sang siyudad sadto suno kay Estante amo man ang gin-adoptar sang iban nga LGU nga naapektuhan.

Pero sa insidente sa power barge sang AC Energy, hibaluon pa nila kun ano ang palangabuhian sang mga pumuluyo nga naapektuhan kag kun ano nagakadapat nga compensation para sa ila.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply