By: JoMaque |July 10, 2020

ILOILO – Naka-record sang labing una nga kaso sang coronavirus disease (COVID-19) ang New Lucena, Iloilo.

Ini ang ginpahibalo ni New Lucena Mayor Liecel Seville paagi sa iya Facebook post.

Suno sa alkalde, locally stranded individual (LSI) ang ila labing una nga kaso nga halin sa Manila. Hunyo 26, 2020 sang nag-abot sa Iloilo ang LSI kag gilayon nga ginderitso sa quarantine facility sang banwa.

Hulyo 9 sang ginpahibalo siya sa resulta sang test sang LSI.

Ginpasiguro ni Seville nga wala sang exposure sa ila banwa ang LSI kag naka-facility quarantine subong.

Padayon ang iya panugyan nga maggamit sang face mask, magsunod sa physical distancing kag masami magpanghugas sang kamot.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply