St. Paul’s Hospital Iloilo, maga-resume sang operation sa Hulyo 13, 2020

By: JoMaque | July 11, 2020

Iloilo City — Magabalik ang full operations sang St. Paul’s Hospital Iloilo sa Lunes, Hulyo 13, 2020.

Base ini sa Public Advisory nga ginpaguwa sang ospital paagi sa ila Facebook page subong nga adlaw.

Nakabutang sa Advisory nga magatapos na ang 14-day quarantine sang mga personnel sang ospital, lakip ang mga nagpositibo sa COVID-19, sa Hulyo 12, 2020.

Asymptomatic man ang mga doktor kag staff nga nagpositibo, suno sa statement.

Hunyo 28, 2020 sang gin-lockdown ang ospital bangud sa pagpositibo sa COVID-19 sang anum ka doktor.

11 tanan ka empleyado kag staff sang ospital ang nagpositibo sa COVID-19.