By: JoMaque | July 12, 2020

Iloilo City — Nagreklamo ang 16-anyos nga dalagita nga ginhimuslan sang maka-tatlo ka beses sang 65-anyos nga amay sa isa ka Barangay sa Molo.

Suno sa Punong Barangay, may nagpalab-ut sa ila nga impormasyon natuhoy sa isa nila ka residente nga gin-alegar ginhimuslan sang iya amay.

Sa panaysayon sang dalagita sa Punong Barangay, natabo ang gina-alegar nga pagpanghimulos sang iya amay las 8:00 sang gab-i ( July 10) kag gin sundan pa gid ini las 12:00 sang kaagahon kag las 5:00 sang aga ( July 11).

Wala sa balay ang iloy sang dalagita sang natabo ang gina-alegar nga pagpanghimulos suno sa punong barangay bangud na-admit sa ospital.

Subang sa apat ka mag-ulutod ang 16-anyos nga dalagita.

Ginpahayag sang punong barangay nga gin-ako sang amay nga ginasakit niya ang iya bata apang wala niya ginhimuslan.

Nagapang repair sang appliances ang obra sang amay sang dalagita.

Ginkumpirmar man sang punong barangay nga may record sa ila barangay nga 65-anyos nga ginakastigo niya ang iya bata nga lalaki.

Ginpanginwala sang amay nga ginhimuslan niya ang iya bata.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply