6 bag-o nga kaso sang COVID-19 sa Western Visayas, na-record sang DOH6, kahapon, July 11

By: JoMaque | July 12, 2020

Iloilo City — Lima sa anum ang locally stranded individuals ang bag-o nga nagpositibo sa COVID-19 sa Western Visayas base sa bulletin sang Department of Health subong nga adlaw.

Suno sa DOH 6, isa sa anum ang taga-Iloilo Province, apat ang taga-Negros Occidental kag isa taga-Bacolod City.

Lima naka-facility quarantine samtang ang taga-Badiangan, Iloilo ang na-admit sa ospital.

Sa kabug-usan, 461 na ang confirmed COVID-19 cases sa Western Visayas.

Siyam naman ang nadugang sa naka-recover gani 178 na ang total recoveries sa rehiyon.

Samtang nagapabilin sa 11 ang nagkalamatay sa Western Visayas bangud sa COVID-19.

Sa 461 total cases sa rehiyon, 272 ang active cases suno sa DOH 6.