By: JoMaque | July 15, 2020

Iloilo — 10 ka bag-o nga kumpirmado nga kaso sang COVID-19 ang na-record sa Alimodian.

Ini ang ginkumpirmar ni Alimodian Municipal Disaster Risk Reduction and Management Officer Sherwin Bering nga amo man ang Spokesperson sang Alimodian Incident Command System base sa inisyal nga impormasyon nga nabaton nila.

Ang mga nagpositibo ang ginabug-osan sang mga Locally Stranded Individuals, Overseas Filipino Workers, kag healthcare workers.

Sang Hunyo pa gin-swab ang mga nagpositibo apang subong lang na-release ang ila resulta.

Naka-isolate sa pasilidad sa Alimodian ang mga nagpositibo.

Naga-quarantine na sila sang naguwa ang resulta base sa inisyal nga impormasyon.

Wala pa sang may nabaton nga official result ang LGU Alimodian halin sa Department of Health 6 ukon Western Visayas Medical Center Sub National Laboratory apang naghalin ang ila impormasyon sa WVMC.

Sang damlag lang, 13 ang na-record nga kumpirmado nga kaso sang COVID-19 sa Alimodian, lima sa ila ang mga healthcare workers.

Kahapon, Hulyo 13, may midwife pa gid nga nagabantay sa quarantine facility nga nagpositibo sa COVID-19.

Ginpaudalum liwat sa Enhanced Community Quarantine ang Alimodian pagkatapos na-record ang 13 confirmed cases sang COVID-19.

Bwas, Hulyo 15, magatakop ang implementasyon sang ECQ apang nagadepende sa Local Government Unit kun i-llift na ini ukon i-extend pa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply