Pagpaidalum liwat sa MGCQ sa Iloilo province, ginalauman na ni Gov. Arthur Defensor, Jr.

By: JoMaque | July 15, 2020

May mga impormasyon nga nabaton si Iloilo Governor Arthur Defensor Jr. nga ipaidalom gihapon sa Modified General Community Quarantine (MGCQ) ang probinsiya sang Iloilo.

Bwas, Hulyo 15, matakop ang pagpaidalom sa probinsiya sa MGCQ.

Suno sa gobernador, kun mag-desisyon ang Inter-Agency Task Force nga ipaidalom liwat sa MGCQ ang probinsiya, indi na siya mag-apelar nga bag-uhon ini.

Gin-ako niya nga ginalauman na niya ini.

Posible subong nga gab-i, i-anunsyar sang presidente ang bag-o nga quarantine measures nga ipatuman sa mga probinsiya kag siyudad sa pungsod. | Via Firingline