By: Aine Grace Bravo

ILOILO CITY, July 17, 2020 — Nakapamiyesta sa Lapuz ang 80 anyos nga lalaki nga nagpositibo sa COVID-19 kag napatay sang nagligad nga semana.

Ginkumpirmar ini ni Mayor Jerry Treñas. Suno sa alkalde, ginabanta na sa 300 ang na-trace sang COVID-19 team sang syudad nga naka-contact sa lalaki.

Gin-identify ang napatay kay WV 679.

Suno sa DOH 6, sang Hulyo 7 napatay ang pasyente pero Hulyo 15 lang nagguwa ang resulta sang iya RT-PCR test nga positibo siya sa COVID-19.

Dugang ni Dr. Mary Jane Juanico, Hulyo 3 sang gintrangkaso, naglain ang tiyan kag nabudlayan sa pagginhawa ang senior citizen gani gindala sa ospital.

Hulyo 6 sang ginkuhaan siya sa swab, pero napatay siya pagkasunod nga adlaw. | via Jeremae Ventar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.