By: JoMaque | July 19, 2020

Iloilo — Balik na sa Modified General Community Quarantine ukon MGCQ ang Alimodian sugod subong nga adlaw.

Ginpaidalum sa Enhanced Community Quarantine ukon ECQ ang banwa sang na-record ang local transmission sang COVID-19.

Ginpahibalo ni Alimodian Mayor Geefre “Kalay” Alonsabe nga wala na sang border checkpoint sa mga point of entries kag ginadula na ang paggamit sang HPQ/ ECQ pass sa paguwa-sulod sa banwa.

Ginhaylo man niya ang mga residente nga limitahan ang paguwa sa balay magluwas lang kun mag-acces sa basic necessities.

Samtang buksan na sa Lunes ang Rural Health Unit sang banwa apang may limitasyon sa pagpakonsulta sang mga pasyente.

Bukas naman ang merkado publiko kada adlaw halin las-5 sang kaagahon tubtob las-5 sang hapon base sa schedule sang mga clustered barangays.

Ang pagpaidalum sa MGCQ sa banwa ang santu man sa ginapatuman sa probinsiya sang Iloilo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply