Mga offshore accounts sang pamilya Cacho, pa-imbestigaran sa AMLC sang Ilonggo nga abogado

By: JoMaque | July 21, 2020

Iloilo City — Mapasa sang petition sa Anti-Money Laundering Council si Atty. Zafiro Lauron agud imbestigaran ang mga offshore accounts sang pamilya Cacho nga nagapanag-iya sang Panay Electric Company.

Suno kay Lauron, nadiskubrehan ang mga offshore accounts sang Cacho family bangud sa The International Consortium of Investigative Journalists, isa ka global network sang mga investigative journalists.

Dugang ni Lauron, natingala siya kun ngaa may yara sang mga offshore accounts ang pamilya Cacho.

Ginpahayag ni Lauron nga madamo man sang mga multimillionaires sa pungsod apang wala sila sang mga offshore accounts kasubong sang pamilya Cacho.

May pagkinahanglan sang imbestigasyon suno kay Lauron bangud ang mga may offshore accounts nga kasubong sini ang may mga ginatago.

Samtang, ginkuhaan naman sang statement sang Aksyon Radyo Iloilo ang pamilya Cacho kag suno sa ila, ginapreparar nila ang ila full statement may kaangtanan sini.