Mga pulis nga maga-secure sa LGUs sa house-to-house visitation sa confirmed case of COVID-19, indi na kinahanglan pa mag-training – PRO 6 Dir. Rene Pamuspusan
By: JoMaque | July 21, 2020
Iloilo City — Indi na kinahanglan pa mag-training sang mga pulis nga maga-secure sa composite team sang Local Government Unit sa pagpamalay-balay sa mga confirmed COVID-19 case.
Ini ang pahayag ni Police Regional Office 6 Director. Rene Pamuspusan sa press conference sa Kampo Delgado kaina sang aga, Hulyo 20.
Suno kay Pamuspusan, indi na kinahanglan nga mag-training pa sila angut sini apang pahanumduman sang mga health protocols sa pag-upod sa pagpamalay-balay.
Sang nagligad nga semana, ginpahayag ni PNP chief Archie Gamboa nga may gintalana nga ‘training’ si Baguio Mayor Benjamin Magalong sa mga pulis sa Region 4-A kag Region 7 sang Hulyo 16 kag 17 angut sa contact tracing sa mga confirmed case.
Si Magalong ang gin-designate nga Anti-COVID czar kag in-charge sa contact tracing.
Una nga ginpahayag ni DILG Sec. Eduardo Año nga magapamalay-balay ang mga pulis sa mga mild kag asymptomatic cases sang COVID-19.
Gin-athag naman ni Año nga ang LGU ang magapanguna sa contact tracing kag maga-assist lang ang pulis sa team pagkatapos nakabaton sang madamo nga kritisismo. | via Aksyon Aljohn Torreta