By: Aine Grace Bravo/Ariel Solacito

ILOILO CITY, July 21, 2020 — Naglab-ut na sa 810 ang kaso sang COVID-19 sa Western Visayas subong nga adlaw.

Kasunod ini sang nadugang nga 13 ka bag-o nga kaso.

Suno sa DOH 6, kalabanan sa nag-positibo ang mga locally stranded individuals (LSIs). Naka-facility quarantine na ang mga nag-positibo.

Tanan nga kaso ang halin sa probinsiya kag siyudad sang Iloilo.

Nadugangan naman sang 35 ka bag-o nga recoveries kag isa ka napatay ang rehiyon 6.

Ang kabug-usan nga kaso, ginalakipan sang 288 active cases, 506 recoveries kag 16 ka nagkalamatay. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.