69-anyos nga COVID-19 patient sa Iloilo City, napatay antes pa nagguwa ang resulta sang iya RT-PCR test

By: JoMaque | July 22, 2020

Iloilo City — Napatay ang 69-anyos nga lalaki nga COVID-19 patient nga taga Barangay Ortiz, City Proper suno sa Department of Health 6.

Sa health bulletin sang DOH6 nga gin-issue subong nga hapon, Hulyo 21, gin-classify ang napatay kay WV804.

Suno kay Dr. Ma. Sophia Pulmones, chief sang Local Health Support Division sa DOH6, Hulyo 6 sang gin-admit sa ospital kag gin-swab ang pasyente.

May chronic obstructive pulmonary disease siya kag hypertensive cardiovascular disease.

Hulyo 7 sang napatay ang pasyente.

TIMELINE

Hunyo 25 – nakabatyag sang sintomas sang COVID-19 ang pasyente

Hunyo 29- nagpakonsulta siya sa health center sa syudad

Hulyo 6- gin-admit sa ospital, gin-swab

Hulyo 7 – napatay siya

Hulyo 21- na-release ang resulta nga positibo siya sa COVID-19

Ginakuhaan pa sang pahayag sang Aksyon Radyo Iloilo ang City Health Office kag natungdan nga Barangay officials angut sini.

As of July 21 nga data sang DOH6, 16 na ang napatay sa Western Visayas.

Naglab-ot naman sa 810 ang kumpirmado nga mga kaso sang COVID-19. | via Aksyon Aljohn Torreta