By: JoMaque | July 22, 2020

Iloilo — Arestado sa drug buy bust operation sa Pulo Maestravita, Oton si Richard Farenas, 32-anyos sang Alegre, Oton kag manugbaligya sang uga.

Nabaklan si Farenas sang isa ka sachet sang suspected shabu nga nagabalor sang P1,000 kag na-recover ang 15 pa gid ka sachets sang illegal drugs.

Suno kay Police Captain Jason Pancha sang Oton Police Station, newly-identified drug personality si Farenas.

Ginpahayag ni Pancha nga nakabaton sila sang impormasyon nga nagabaligya sang illegal drugs ang subject gani ginpangitaan nila sang paagi nga maka-transaksyon.

Nahuman suno sa iya ang transaksyon sa Pulo Maestravita, Oton kag gilayon nga gin-conduct ang buy bust operation.

Base sa pagpangusisa ni Pancha, nakaagi na preso si Farenas sa Pampanga sa kaso may kaangtanan man sa illegal nga druga.

Nagpamalibad nga magpa-interview ang subject. | via BBB

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply