By: JoMaque | July 22, 2020

ILOILO CITY – Wala na sang may makasulod nga pasahero sa Iloilo City halin sa Bacolod City kag Negros Occidental sugod bwas, July 22.

Kasunod ini sang desisyon ni Iloilo City Mayor Jerry Treñas nga siraduhan ang borders sa mga halin sa nasambit nga lugar.

Gin-athag sang alkalde nga rekomendasyon sang COVID-19 Task Force nga ginabug-usan sang private practitioners sa siyudad kag probinsiya sang Iloilo kag COVID-19 team sang siyudad nga siraduhan ang borders bangud sa padayon nga pagdamo sang kaso sang COVID-19 sa Bacolod City.

Sa pagkamatuod suno sa alkalde, may post sa Facebook page ang Riverside Medical Center Inc., nga puno na ang ila isolation facility sa diin ginadala ang mga COVID-19 patients.

Safety sang mga Ilonggo ang priority, suno sa alkalde.

Gin-athag naman ni Treñas nga makonsulta pa siya bwas sa Department of Health agud mahibaluan gid ang sitwasyon sa Bacolod City.

Samtang, indi apektado sang restriction ang mga Authorized Persons Outside Residence (APORs) kag delivery sang essential goods kag cargoes.

Wala pa mahibaluan kun tubtob san-o ipatuman ang restrictions.

Mapatuman man sang restrictions ang Bacolod City sa mga pasahero halin sa isla sang Panay kag Guimaras sugod karon sa tungang gab-i.| Via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply