By: JoMaque | July 22, 2020

Iloilo — May clustering of cases sang COVID-19 ang tatlo ka mga banwa sa probinsya sang Iloilo.

Suno kay Dr. Jessie Glenn Alonsabe, regional epidemiologist sa Department of Health 6, ang mga banwa nga may clustering of cases amo ang Alimodian, Bingawan, kag New Lucena.

Makabig may clustering of cases kun indi magnubo sa duha ang ma-record nga indigenous ukon local case sa sulod sang duha ka sunod-sunod ka mga semana.

Ang indigenous ukon local case amo ang mga indibidwal nga natapikan sang kagaw sa ila lugar.

Suno kay Bingawan Mayor Mark Palabrica, 9 tanan ang mga nagpositibo sa ila banwa nga ginabug-osan sang anum ka mga health care workers, 2 ka mga Locally Stranded Individuals, kag 1 ka Overseas Filipino Worker.

Posible na-infect ang 3 ka midwives, 2 ka nurses, kag 1 ambulance driver bangud sila ang naga-atendir sa mga OFWs kag LSIs lakip sa mga nagpositibo.

Ginpaidalum sa Enhanced Community Quarantine ang Bingawan tubtob sa Hulyo 27.

Ginpaidalum man sadto sa ECQ ang Alimodian apang gin-lift na ni Mayor Geefre ‘Calay’ Alonsabe.

25 ang na-record sa Alimodian samtang 6 naman sa New Lucena.

Sa Negros Occidental, may clustering of cases man sa Manapla. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply