By: JoMaque | July 23, 2020

Iloilo City — May mga personnel sa Regional Epidemiology and Surveillance Unit6 nga gin-designate ang Department of Health 6 agud magbantay sa email sang positibo nga laboratory results sa RT PCT test.

Ini suno kay Dr. Jessie Glenn Alonsabe, regional epidemiologist sa DOH6 pagkatapos sang gin-report ‘delayed’ nga pagpahibalo sang RESU sa natungdan nga Disease Reporting Unit rason nakakadto na sa airport ang gin-swab kag manuglakat na pakadto sa Manila sang nahibaluan nga positibo siya.

Suno kay Dr. Alonsabe, bisan yara sa ila balay, mahimo maka-check ang ila personnel sang email.

Gilayon naman nga ipahibalo sang personnel via email man ang natungdan nga PESU, CESU, ukon DRU kun positibo ang resulta.

6:00 P.M. tubtob 7:00 P.M. sang ginpadala sang QualiMed Hospital- Molecular Laboratory sa RESU6 via email ang positibo nga resulta sa RT PCR test ni WV765, 59 anyos nga babaye nga taga Anilao.

8:00 A.M. na sang Hulyo 20 sang napahibalo sang RESU6 ang PESU angut sini.

May personnel man ayhan ang PESU/CESU/ DRU?

Bisan gab-i na, gilayon nga ipadala sang RESU6 personnel ang positibo nga resulta sa RT PCR test sa natungdan nga PESU,CESU,ukon DRU.

Sang ginpamangkot naman si Dr. Alonsabe kun may personnel may ayhan ang PESU, CESU, kag DRU nga nagabantay sang email bisan gab-i na, ginpahayag niya nga dapat mangin ‘vigilant’ man sila sa pagbantay.

Ginakuhaan pa sang Aksyon Radyo Iloilo sang pahayag ang mga PESU,CESU, kag DRU angut sini. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply