By: Aine Grace Bravo

ILOILO CITY, July 24, 2020 — Gin-rekomendar sang Bureau of Fire Protection investigating team ang pag-file sang kaso batuk sa 28 ka personnel sang BFP 6 bangud sa gin-report nga pag-party sa Boracay sang Hunyo.

Ginkumpirmar ni Atty. Archie Andumang, chief sang Internal Affairs Service sang BFP kag lead investigator sang gintukod nga investigating team, lakip sa ginrekomendar nga kasuhan si former BFP 6 Director Rhoderick Aguto kag ang fire officer nga babaye nga nagahulat pa sang resulta sang iya RT-PCR test sang nagkadto sa Boracay kag nagguwa sang ulihi nga positibo siya sa COVID-19.

Ginsumiter na ni Andumang ang investigation report kay BFP chief Jose Embang, Jr. sang Hulyo 21 kag na-forward na kay DILG Secretary Eduardo Año sang Hulyo 22.

Suno kay Andumang, na-establisar nila nga nagkadto sa Boracay ang mga personnel sang Hunyo 12 tubtob Hunyo 14, pero wala man sang conference nga gintambungan base sa natipon nga mga ebidensya.

Nakadepende na kay Secretary Año ang pagdesisyon sa rekomendasyon sang investigating team. | via Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply