By: JoMaque | July 25, 2020

ILOILO CITY — Ginpat-pat ni DSWD 6 Spokesperson May Rago-Castillo ang mga posibilidad nga nakakas ang pangalan sa second tranche sang Social Amelioration Program (SAP) subdidy ang pila ka nakabaton sa first tranche.

Suno kay Castillo, indi na makabaton kun nakakuha na ang miyembro sang ila pamilya sa 4Ps kag wala sila na-tag nga moved out sa sistema sang 4Ps.

Posible man nga may family member nga nakabaton sang assistance halin sa SSS ukon DOLE. Natukiban ini sa duplicity check nga ginhimo.

Isa pa gid nga rason nga may kapareho nga pangalan nga nakabaton sang ayuda pero gina-validate ini sa LGU kun pareho nga tawo.

Pwede man suno sa iya nga wala sila nalakip bangud nag-agi sila sa “Release Agad” kag sa ginpili nila nga payment method ipaagi ang ayuda.

Posible pa gid suno kay Castillo nga may findings nga indi sila kwalipikado sa first tranche gani ginkakas sila sa second tranche.

Target ang 80 percent nga completion antes matapos ang Hulyo. Samtang antes matapos ang Agosto naman sa mga malayo kag wala sang signal nga mga lugar.

Probinsiya kag siyudad sang Iloilo kag Bacolod City lang ang maka-avail sa second trache sang SAP sa rehiyon 6. | Via AM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply