By: JoMaque | July 25, 2020

Sta Barbara, Iloilo — Patay ang 35-anyos nga panday sang natiruhan sa Deca Homes, Balabag, Sta.Barbara las 10:45 kagab-i, Hulyo 24.

Suno kay Police Staff Sergeant John Derson Sabio, imbestigador sang Sta Barbara Police Station, antes natabo ang insidente, upod nga nag-inum-inum ang biktima nga si Erick Marbebe sang Maasin, kag ang iya mga upod sa trabaho sa tyangge.

Base sa pagpangusisa ni Sabio sa testigo, naglakat si Marbebe para mangita sang sumsuman. Ginpahayag sang testigo nga nakibot nalang sila sang pagbalik ni Marbebe nga may lalaki nga mabukod nga nagpalapit sa ila gina-imnan nga lamesa kag gintiro si Marbebe sa ulo.

Gilayon nga nagpalagyo ang suspek nga indi kilala sang mga abyan ni Marbebe sa ngalan pero natandaan nila ang itsura bangud naga trabaho man sa amo nga lugar suno sa pagpangusisa sang pulis.

Madugay na nga ginadumtan sang suspek ang biktima ang ginatan-aw nga motibo sang pulis sa krimen.

Nagapadayun ang imbestigasyon sang Sta. Barbara Police sa insidente. | via Aksyon Farrah Mae Morano

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply