By: JoMaque | July 206, 2020

Barotac Nuevo, Iloilo – Temporaryo nga siraduhan ang munisipyo sa Barotac Nuevo kag gin-suspend man ang mga transaksyon bwas, Hulyo 27.

Sa Facebook post ni Barotac Nuevo Mayor Bryant Paul Biron, magahimo sang disinfection sa munisipyo rason gin-suspend anay ang mga transaksyon.

Nakabaton sang impormasyon ang alkalde nga nagpositibo sa COVID-19 ang asawa sang isa sa mga empleyado sa Local Government Unit-Barotac Nuevo.

Nagapauli sa Iloilo City ang natungdan nga empleyado kag ang iya pamilya.

Hulyo 22 sang gin-quarantine ang empleyado samtang nagahulat man sa RT PCR test result sang iya asawa.

Natalana naman nga i-swab ang empleyado.

Maga-home quarantine ang iban nga mga empleyado nga may close contact sa bana sang nagpositibo.

Pagasiraduhan man ang ila opisina samtang wala pa sang resulta.

Nagpanawagan ang alkalde nga indi mag-panic ang mga residente sa ila banwa bangud kontrolado ang sitwasyon.

Wala nalakip sa ginhatag nga impormasyon ni Biron kun ano ang status sang natungdan nga empleyado kag ang iya asawa nga nagpositibo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply