By: Aine Grace Bravo

GUIMARAS, July 28, 2020 — Naka-record sang labing una nga local case sang COVID-19 ang probinsya sang Guimaras.

Base ini sa ginpaguwa nga bulletin sang Department of Health 6 subong nga hapon.

Suno kay Dr. Jessie Glen Alonsabe, regional epidemiologist kag designated spokesperson sang DOH 6 subong nga semana, ang labing una nga kaso sang COVID-19 sa Guimaras amo ang 22 anyos nga lalaki, taga-Buenavista, service crew sa establisemento sa syudad sang Iloilo kag admitted subong sa St. Paul’s Hospital.

Sa interview sang Aksyon Radyo kay Buenavista Mayor Eugene Reyes, Hulyo 13 nagpauli sa Guimaras ang service crew kag nagbalik sa Iloilo City sang Hulyo 14.

Suno naman kay Alonsabe, nagmasakit ang service crew sang nagbalik sa Iloilo gani nga gin-admit sa ospital. Gin-swab siya sang nakitaan sang sintomas sang COVID-19 kag nagguwa ang resulta subong nga adlaw.

Nagahimo na sang contact tracing sa Guimaras kag Iloilo City, suno kay Dr. Alonsabe. | via DOH 6/Aksyon Reports Afternoon Edition

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.