Labing una nga indigenous ukon local case sang COVID-19, na-record sa Barotac Viejo
By: JoMaque | July 29, 2020
Barotac Viejo, Iloilo — Na-record ang labing una nga indigenous ukon local case sang COVID-19 sa Barotac Viejo.
Sa health bulletin nga ginpaguwa sang Department of Healhth 6 kahapon, Hulyo 27, lakip sa 49 nga nagpositibo ang 48 anyos nga babaye nga taga-Barotac Viejo.
Gin-classify siya kay WV 1129, asymptomatic ukon wala sang sintomas sang COVID-19 kag indi Locally Stranded Individual, Overseas Filipino Worker, ukon Authorized Person Outside of Residence.
Yara lang sa locality ang source of infection sang indigenous ukon local case.
Suno kay Barotac Viejo Mayor Nielo ‘Bongbong’ Tupas, si WV 1129 ang frontliner sa ila banwa. Gindala na sa isolation facility si WV 1129.
Hulyo 22 sang gin-quarantine siya sang nagpositibo ang Locally Stranded Individual nga naga-quarantine sa ila pasilidad.
Gin-classify ang una nga nagpositibo sa Barotac Viejo kay WV 809, 38 anyos nga lalaki, nga positibo gihapon sa iya repeat test.
Wala sang opisina sa munisipyo sang Barotac Viejo subong nga adlaw, Hulyo 28, para sa disinfection.
Naga-apelar si Tupas sa mga residente sa ila banwa nga padayon nga magsunod sa minimum health standards kasubong sang paggamit sang face mask kag pag-observe sang physical distancing. | via Aksyon Aljohn Torreta