By: JoMaque | July 29, 2020
Nagpositibo sa COVID-19 ang Locally Stranded Individual nga nagpauli sa Murcia, Negros Occidental para magtambong sa birthday sang iya bata.
Suno kay Murcia Mayor Gerry Rojas, nag-abot sa Negros Occidental ang ginabanta 30 anyos nga LSI halin sa syudad sang Iloilo sang nagligad nga semana.
Gilayon nga gin-swab sa pier ang nasambit nga LSI kag nagdiretso siya puli sa Brgy. Lopez Jaena, Murcia. Wala naka-coordinate sa Local Government Unit sang Murcia ang pagpauli sang LSI kag nakibot na lang sila sang ginpahibalo nga positibo ang LSI sa COVID-19.
Samtang, nagtambong ang LSI sa birthday sang iya bata kun diin nag-inum-inom pa siya upod sa apat ka indibidwal.
Dugang ni Rojas, gin-lockdown ang 11 ka panimalay sa nasambit nga barangay. | via Aksyon Brian Valle