By: JoMaque | July 30, 2020

Iloilo — Ginpasakaan sang kaso sang CIDG 6 ang lima ka individuals sa anomaliya sa tagtaganay sang Social Amelioration Program subsidy.

Base sa ginpagguwa nga press release sang CID 6, tatlo sa Barangay Tangub, Bacolod City ang ginpasakaan sang kaso subong nga adlaw (July 29) – si
Punong Barangay Noli Villarosa kag duha ka barangay staff nga sanday Alfredo Llames kag Nino Mateo.

Samtang duha ka personnel sang MSWDO sa Dumangas ang ginpasakaan man sang kaso sang CIDG 6 nga sanday Svenina Billones, PDO ll, kag Jande Arroyo, Social Welfare Assistant.

Lima ka taga-Dumangas ang nagreklamo batuk sa duha ka ginpasakaan sang kaso bangud wala sila mahatagan sang official receipt sang ginbalik nila ang P6,000.

Una na nga napasakaan sang kaso sang nagliligad nga inadlaw ang 147 ka individuals bangud sa anomaliya sa SAP.

Ginatinguhaan pa sang Aksyon Radyo Iloilo nga makuhaan sang statement ang mga ginkasuhan kahapon, July 29.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply