Pagbukas sang klase sa Agosto 24, madayon gid; Klase tubtub sa Disyembre, ‘theoretical’ kag ‘virtual’ – NTF on COVID-19 Chief Implementer Sec. Carlito Galvez Jr

By: JoMaque | July 30, 2020

Iloilo City — Madayon gid ang klase sa Agosto 24 suno kay National Task Force chief implementer Sec. Carlito Galvez Jr.

Sa press conference sa hotel sa syudad sang Iloilo kaina sang hapon,Hulyo 29, ginpahayag ni Galvez nga naistoryahan sa gabinete ni Presidente Rodrigo Duterte nga Agosto tubtob Disyembre, ‘theoretical’ lang anay ang i-klase kag laban sa ‘virtual’ (online).

Ginapa-abot nga may bakuna na sa COVID-19 sa Nobyembre rason plano nga iimplementar ang face-to-face learning sa Enero.

Naintindihan ni Duterte nga importante ang edukasyon apang dapat iprayoridad ang kabuhi.

“Nag-uusap kami sa Malacañang previously, gawin nating from August to December, yun yung theoretical, ibig sabihin more on virtual siya. And then maybe, pag ka nandiyan na ang vaccine, October or November, tamang-tama na pwede na tayong magkaroon ng fac-to-face (learning) this January.”

Magluwas sa online, may modular kag blended learning man nga mga pamaagi nga ginatanyag ang Department of Education sa pag-eskwela.

Nagkadto si Galvez sa Iloilo sa pagsapol sa mga gobernador kag mayor sa Highly Urbanized Cities sa Western Visayas angut sa COVID-19.

Upod man niya si Baguio City Mayor Benjamin Magalong, designated czar sa contact tracing sa pungsod.

Nag-conduct si Magalong sang training sa mga representante sang nagkalain lain nga ahensiya kag Local Government Units angut sa contact tracing. | via Aksyon Aljohn Torreta