By: Aine Grace Bravo

MANILA, July 30, 2020 — Na-record sang Pilipinas ang pinakamadamo nga COVID-19 cases sa sulod lang sang isa ka adlaw subong nga Hulyo 30.

Base sa bulletin sang Department of Health, 3,954 ang bag-o nga infections sa bug-os nga pungsod –1,320 diri ang fresh ukon na-detect sa nakaligad nga tatlo ka adlaw, samtang 2,634 naman ang kabahin sang validation backlog.

Bangud sini, 89,374 na ang total cases sang COVID-19 sa pungsod.

Pero gin-report man sang DOH ang all-time high nga 38,075 new recoveries gani nga naglab-ut na sa 65,064 ang naka-recover sa balatian.

Bangud sini, 22,327 na lang ang active cases sa COVID-19 sa Pilipinas.

1,983 naman ang total deaths bangud sa 23 ka nadugang sa record. | via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.