By: Aine Grace Bravo/Farrah Mae Morano

ILOILO CITY, August 1, 2020 — Isa ang patay, pito ang pilason sang na-aksidente ang Mitsubishi Montero sa Brgy. Dungon-B, Jaro kagab-i, Hulyo 31.

Suno kay PSSg Jeffrey Janay sang Jaro Police Station, sa ila pagpangusisa, halin sa Arevalo ang Montero nga ginamaneho ni Ched Marco sang Maasin kag pakadto sa direksyon sang Sta. Barbara sang nagsaka sa center island kag nakabunggo sa poste sang street light.

Ginrason sang driver suno kay Janay nga napiyungan siya rason sang aksidente.

Patay ang isa sa mga pasahero nga si Joel Velasco, 40 anyos.

Padayon naman nga ginabulong sa nagkalain-lain nga ospital sa syudad si Marco kag anum pa ka pasahero niya. Lunsay taga-Maasin ang mga biktima.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.