43-anyos nga lalaki, nalumos sa floodway control sa Bitoon, Jaro

By: JoMaque | August 2, 2020

Iloilo City -Nalumos sa floodway control sa Bito-on, Jaro ang 43-anyos nga lalaki nga nagpaligo.

Ginkilala ang lalaki kay Noel Catamin sang Brgy. Cubay, Jaro.

Suno kay Jason Gadot, paryente sang lalaki, antes natabo ang insidente, nagapanguha sila sang kasag sa kilid sang suba kag wala na nila ginpa-upod si Catamin bangud nakainum siya.

Ginpahayag ni Gadot nga nakibot sila sang nag-apas si Catamin kag nagpaligo sa suba.

Ginpaandaman man nila si Catamin nga indi magpatunga bangud madalom ang lugar.

Gulpi lang nagsarurot si Catamin las 9:50 sang aga.

Pasado las 11 na sang nakit-an ang lalaki kag gilayon gindala sa ospital. | via Aksyon Farrah Mae Morano