By: JoMaque | August 2, 2020

ILOILO – Nagpangayo sang bulig si Iloilo Governor Arthur Defensor, Jr sa national Inter-Agency Task Force agud ma-extend ang paggamit sang mga classrooms sa pampubliko nga mga eskwelahan bilang quarantine facilities. Ini samtang suspendido gihapon ang pagpatuman sang face-to-face nga klase sa school opening sa Agosto 24.

Tubtob lang sa Agosto 15 ang permiso sang probinsya halin sa DepEd regional office 6 agud gamiton ang mga classrooms nga quarantine facilities, suno sa gobernador.

Sang nag-abot sa Iloilo si IATF Chief Implementer Secretary Carlito Galvez, Jr. sang Hulyo 29, ginhingyo siya ni Gov. Defensor nga ipalab-ut ang iya request sa DepEd.

Ideal suno kay Defensor ang classrooms nga isolation facilities bangud magluwas nga may comfort rooms, nahamtang man ang mga ini sa hometown sang mga repatriates.

“It addresses the psychosocial aspect of the problem since they are near their families,” suno sa gobernador.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply