Kaso sang COVID-19 sa Pilipinas, masobra na 100,000 — DOH

By: JoMaque | August 2, 2020

MANILA – Nagtimbuok sa 𝟏𝟎𝟑,𝟏𝟖𝟓 ang kaso sang coronavirus disease (COVID-19) sa Pilipinas subong nga adlaw.

Kasunod ini sang report sang Department of Health nga 𝟓,𝟎𝟑𝟐 ka bag-o nga kaso. Ini na ang pikamadamo nga kaso nga gin-report sang ahensiya sa sulod lang sang isa ka adlaw.

Sa bag-o nga kaso, 2,114 ang fresh cases samtang 2,918 ang late cases. 𝟑𝟓,𝟓𝟔𝟗 naman ang active cases sa pungsod.

Top provinces sa newly-announced cases:

1. National Capital Region – 2,737
2. Cavite – 463
3. Cebu— 449
4. Laguna – 326
5. Rizal — 201

Nagsaka man sa 𝟔𝟓,𝟓𝟓𝟕 ang recoveries sang nadugang ang 301 ka nag-ayo sa COVID-19.

Samtang nadugangan sang 20 ang nagkalamatay rason nga naglab-ut na sa 𝟐,𝟎𝟓𝟗 ang total deaths bangud sa COVID-19 sa pungsod.