Igbaras, may isa ka bag-o nga kaso sang COVID-19 – Mayor Esmeralda

By: JoMaque | August 4, 2020

IGBARAS, ILOILO – Ginkumpirmar ni Igbaras Mayor Jaime Esmeralda nga nadugangan sang isa ka bag-o nga kaso sang COVID-19 ang ila banwa.

Suno kay Esmeralda, seafarer ang ila ika-anum nga kaso nga 31-anyos. Halin sa Japan ang nag-positibo, nag-abot sa Manila sang Hulyo 19 kag nagpauli sa Iloilo sang Hulyo 25.

Ginpaidalom siya sa RT-PCR test sang Hulyo 27 kag Hulyo 30 sang nagguwa nga positibo sa COVID-19.

Asymptomatic ang seafarer nga yara na sa quarantine facility sang banwa.

Ginpasiguro niya sa mga residente nga wala sang dapat kabalak-an bangud padayon nga gina-monitor ang kondisyon sang bag-o nga kaso.