Iloilo Governor Arthur Defensor Jr, nagnegatibo sa COVID-19 test

By: JoMaque | August 4, 2020

Iloilo – Nagnegatibo sa COVID–19 test si Iloilo Governor Arthur Defensor, Jr. pagkatapos nga nagpaidalom sa real-time reverse transcription polymerase chain reaction (RT-PCR) test sang nagligad nga semana.

Nagpabilin sa iya opisina ang gobernador sang nagligad nga semana sang Nabaton ang report nga may empleyado sang Kapitolyo nga nagpositibo sa COVID-19.

Ang 30-anyos nga lalaki nga empleyado sang Kapitolyo, asymptomatic kag naka-quarantine sa facility sang Iloilo City.

Ginmandu man ni Governor Defensor ang duha ka adlaw (Agosto 3 kag 4) nga pag-untat sang opisina sa Provincial Capitol agud maghimo sang disinfection, kalakip na sa Casa Real.

Pahanugutan ang pila ka mga opisina sa Kapitolyo nga magbukas sa Agosto 5, apang depende sa rekomendasyon sang health officials.