By: JoMaque | August 6, 2020

Iloilo City — Ginsiraduhan ang opisina sang National Irrigation Administration 6 lakip ang Iloilo-Guimaras Irrigation Management Offices kag ang Jalaur River Multi-Purpose Project Stage II subong nga adlaw, Agosto 5, kag magalawig tubtob bwas, Agosto 6.

Ginhimo ang anunsyo paagi sa official Facebook page sang NIA6.

Magahimo sang disinfection kag sanitation sa nasambit nga lugar.

Ini pagkatapos ginkumpirmar ni Department of Health 6 Director Marlyn Convocar nga nagpositibo sa COVID-19 ang duha ka mga personnel sang NIA6.

Babaye kag lalaki ang nagpositibo nga gin-swab sang Agosto 3.

Kahapon (Agosto 4) naguwa ang resulta nga positibo ang duha ka mga personnel.

Asymptomatic ukon wala sila sang sintomas snag COVID-19.

Gintinguhaan sang Aksyon Radyo Iloilo nga kuhaan sang pahayag ang NIA6 apang wala pa sila nakahatag. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply