By: JoMaque | August 6, 2020

Iloilo City — Manabat ang empleyado sang AC Energy Corporation nga nagkadto sa opisina ni Iloilo City Mayor Jerry Treñas bisan wala pa sang resulta sang iya RT-PCR test kag nagguwa sang ulihi nga positibo siya sa COVID-19.

Suno sa alkalde, patapuson niya lang ang iya nga 14-day quarantine matapos nga na-expose sa amo nga personnel.

“We are not going to let this go unpunished because we are very strict here in the city,” ang pahayag ni Mayor Treñas sa interview sang Aksyon Radyo Iloilo subong nga gab-i.

Dugang niya, “Waay kita choice, but we have to make them pay for this.”

Nagkadto sa opisina sang alkalde ang taga-AC Energy sang Agosto 4 sang aga agud mag-donate sang face mask kag PPEs. Hapon sang amo man nga fetsa sang gin-inform si Treñas nga may nagpositibo nga personnel rason nga nagpa-idalum siya sa quarantine.

Una na nga ginkumpirmar ni Mr. Gabino Ramon Mejia, head sang plant operations sang AC Energy, nga na-swab sa Manila ang ila personnel kag negatibo ang resulta antes siya nagpadulong sa Iloilo.

Dugang ni Mejia, ginkonsiderar nga authorized person outside of residence (APOR) ang ila personnel gani nakapadayon sang iya mga aktibidad bisan wala pa nag-abot ang resulta sang swab test nga ginhimo sa syudad.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply