COVID-19 cases sa Pilipinas, nagsobra na sa 136,000

By: Aine Grace Bravo

6,958 ka bag-o nga kaso sang coronavirus disease (COVID-19) ang nadugang sa Pilipinas subong nga adlaw.

Base sa case bulletin sang Department of Health, nagtimbuok sa 136,638 ang kaso sang COVID-19 sa pungsod. 66,186 ang active cases.

Ini na ang pinakadamo nga kaso nga gin-report sang DOH sa isa lang ka adlaw kag ika-12 nga sunod-sunod nga adlaw nga masobra 3,000 ang bag-o nga kaso.

Nagapanguna ang National Capital Region nga may pinakadamo nga bag-o nga kaso nga naglab-ut sa 4,163. Nagasunod ang Laguna nga may 400 cases; Rizal nga may 363; Cavite nga may 312 ka kaso; kag Bulacan nga may 178 ka kaso.

Gin-report man sang ahensiya ang 633 ka bag-o nga recoveries rason nga nagsaka sa 68,159 ang nag-ayo sa COVID-19.

Samtang naglab-ut naman sa 2,293 ang nagkalamatay sang nadugang ang 24 ka fatalities. | via DOH